ORANJESTAD – En conexion cu e reciente cambio di e ley “Belasting op bedrijfsomzetten”, miho conoci como “BBO”, Servicio di Impuesto ta participa lo siguiente.
Manera conoci entrante 1 di januari 2010 e tarifa di 3% riba benta di producto y/of servicio a bira 1.5%. Relaciona cu e cambio aki Servicio di Impuesto ta hayando hopi pregunta di ki tarifa mester aplica sea 3% of 1.5% den caso cu e benta a tuma lugar den december 2009 pero ta manda e factura of ricibi compensacion durante aña 2010. Pa e casonan aki Servicio di Impuesto ta duna e siguiente aclaracion.
E tarifa di BBO di 1,5% ta aplicabel:
1. den caso cu e benta a tuma lugar den aña 2009, pero ta ricibi compensacion den aña 2010 y e
empresario ta aplica e sistema di caha (kasstelsel);
2. den caso cu e benta a tuma lugar den aña 2009 pero ta otorga e factura den aña 2010 y e
empresario ta aplica e sistema di factura (factuurstelsel).
Pues pa por determina e momento cu un empresario debe BBO, ta hopi importante pa sa prome si e empresario ta mantene e sistema di caha of e sistema di factura.
Siguientemente ta sigui un splicacion di “sistema di caha” y “sistema di factura”.
Sistema di caha
“Sistema di caha” ta un sistema unda cu e empresario ta debe BBO na momento cu e ricibi su placa di benta. Den e sistema aki e fecha cu a ricibi e placa ta determinante pa e debe di BBO cual mester paga asina cu e luna concerni a termina.
Ehempel: Empresa D ta mantene sistema di caha
|
|
28 di december 2009 →
20 di januari 2010 →
|
Empresa D a bende 10 television na cliente F.
Prijs di benta total Afl. 8.500,-
Empresa D a ricibi Afl. 8.500,- for di cliente F pa e benta di television.
|
|
|
|
Pregunta
|
Contesta
|
|
1. Cua tarifa di BBO ta aplicabel:
3% of 1,5%?
|
1. Den e caso aki e tarifa 1,5% ta aplicabel.
Fecha cu a ricibi pago ta determinante esta
20 di januari 2010.
|
|
2. Ki momento mester paga BBO?
|
2. Empresa D mester paga BBO pa e periodo
di januari entre 1 y 15 di februari 2010.
Debi cu dia 15 di februari 2010 ta un dia liber,
e ultimo dia di pago ta bira 16 di februari 2010.
|
Sistema di factura
“Sistema di factura” ta un sistema unda cu e empresario ta debe BBO na momento cu e otorga un factura di benta na su cliente. Den e sistema aki e fecha di e factura ta determinante pa e debe di BBO cual mester paga asina cu e luna concerni a termina. Un empresa no por aplica e sistema di factura sin mas. Pa por aplica e sistema aki, e empresa mester haci un peticion prome na Servicio di Impuesto. Solamente cu aprobacion di Servicio di Impuesto e empresa por aplica e sistema di factura. Si e empresa no haya e aprobacion aki, e empresa mester aplica e sistema di caha.
|
Ehempel: Empresa A ta mantene sistema di factura cu aprobacion di Servicio di Impuesto
|
|
10 di december 2009 →
15 di januari 2010 →
2 di februari 2010 →
|
Empresa A a duna servicio di abogacia na su cliente X. Prijs di servicio total Afl. 8.500,-
Fecha di factura cu empresa A a manda su cliente X
Cliente X ta paga Empresa A
|
|
|
|
Pregunta
|
Contesta
|
|
1. Cua tarifa di BBO ta aplicabel:
3% of 1,5%?
|
1. Den e caso aki e tarifa 1,5% ta aplicabel.
Fecha di factura ta determinante esta
15 di januari 2010.
|
|
2. Ki momento mester paga BBO?
|
2. Empresa A mester paga BBO pa e periodo di
januari entre 1 y 15 di februari 2010 y
no despues cu februari termina.
Debi cu dia 15 di februari 2010 ta un dia liber,
e ultimo dia di pago ta bira 16 di februari 2010.
|
Pues pa por bisa ki momento un empresa debe BBO, ta importante pa sa prome ki sistema e empresa ta mantene (sistema di factura of sistema di caha) y cua ta e momento cu a otorga un factura of a ricibi placa di benta.
Pa mas informacion encuanto aplicacion di tarifa di BBO por manda un e-mail na
info@siad.aw.
GERENCIA DI SERVICIO DI IMPUESTO
27 di januari 2010