ORANJESTAD – Servicio di Impuesto ta participa cu diabierna awor, dia 29 di januari, e
seccion di caha tanto na oficina principal na Camacuri como na e oficinanan di gobierno na San
Nicolas, Savaneta, Santa Cruz y Paradera, lo cera mas trempan atardi en conexion cu un
training pa e personal. Aki ta sigui un skema di e cambio di orario.

Servicio	Sitio	Orario di servicio
Servicio di caha	Oficina principal na Camacuri	7:45 am – 2:00 pm non-stop
Servicio di caha	Oficinanan di gobierno na San Nicolas, Savaneta, Santa Cruz y Paradera	8:30 am – 1:30 pm non-stop
Despues di e orario menciona no ta posibel pa haci pago.

E seccion “Servicio pa cliente” si lo ta habri durante e orario normal di oficina. Pues e clientenan
por busca informacion, haci peticion of entrega documento libremente.
E orario normal ta conta tambe pa e seccion unda ta busca e paketenan di loonbelasting, BBO
etc. y e seccion unda ta entrega “verzamelloonstaat” y “verzamelstaat opgaaf derden” 2009.

Servicio di Impuesto ta pidi su clientenan pa tuma nota di e cambio di orario menciona pa evita
cualkier inconveniencia.

GERENCIA DI SERVICIO DI IMPUESTO
28 di januari 2010