Esaki ta un servicio extra ya cu dia 16 di februari ta ultimo dia pa core cu plachi di aña 2009
 

ORANJESTAD – Servicio di Impuesto ta participa na su clientenan kendenan ainda tin cu paga impuesto di vehiculo di motor di aña 2010, cu diasabra awor, dia 6 di februari, su oficina principal na Camacuri lo ta habri unicamente pa pago di e impuesto menciona.
E orario di caha lo ta non-stop for di 8:00am te cu 2:00pm. Despues di haci pago e cliente por pasa busca su plachinan mesora durante e orario menciona.

Mester remarca cu e servicio extra aki no ta conta pa esnan cu ta desea di paga na e oficinanan di gobierno den districto ya cu e oficinanan aki no ta habri diasabra.

Servicio di Impuesto ta spera di por yuda mas tanto cliente posibel den e dianan druk aki, ya cu diamars, dia 16 di februari, ta e ultimo dia pa paga por lo menos e prome kwartaal di impuesto di vehiculo di motor 2010 y ta e ultimo dia tambe pa core cu e plachi geel cu preto.

GERENCIA DI SERVICIO DI IMPUESTO
4 di februari 2010