Pues pa e fecha aki e impuesto di e prome mita di aña 2009 mester ta paga

ORANJESTAD – Servicio di Impuesto ta recorda su clientenan – doñonan di vehiculo di motor - cu e ultimo dia pa paga e di dos kwartaal di e impuesto di vehiculo di motor 2009, ta diamars dia 31 di maart. Pues pa e fecha aki e impuesto di e prome mita di aña 2009 mester ta paga.

Na e clientenan kendenan ainda no a cumpli cu pago di e prome kwartaal, ta conta cu nan lo mester paga mita aña di e impuesto inclui e gastonan di e plachinan.

Servicio di Impuesto ta conseha tur esnan kendenan ainda no a haci pago di number di nan auto, truck, brommer etc., pa nan haci esaki mas pronto posibel y asina evita haya boet di polis.

GERENCIA DI SERVICIO DI IMPUESTO
30 di maart 2009