Ta conseha tur cliente pa cumpli cu pago di e ultimo kwartaal di 2009 manera ley ta stipula y percura pa e papelnan di seguro ta na ordo

ORANJESTAD – Servicio di Impuesto ta participa cu diaranson awor, dia 30 di september, ta e ultimo dia pa paga e di cuater (4) kwartaal di impuesto di vehiculo di motor di aña 2009. Pa e fecha aki tur persona cu tin un vehiculo di motor (auto, bus, truck etc.) y ta haci uzo di caminda publico, mester tin e impuesto di aña 2009 completamente paga.

E clientenan por haci nan pago na oficina principal na Camacuri of na un oficina di gobierno na Paradera, Santa Cruz, Savaneta of San Nicolas. Pa un servicio mas rapido no lubida di trece e recibo(nan) di pago di e aña aki.

Despues di haci pago di e ultimo kwartaal, e cliente por busca e plachinan di number chikito. Ta bon pa tene cuenta cu na momento di busca e plachinan di number aki, mester mustra un prueba di seguro valido. Si e cliente no tin un seguro valido na e momentonan ey, e no por ricibi su plachinan. Pa busca plachi di number e cliente mester acudi na Servicio di Impuesto na Camacuri.

Servicio di Impuesto ta conseha tur cliente pa cumpli cu pago di e ultimo kwartaal di aña aki manera ley ta stipula, y percura pa e papelnan di seguro ta na ordo. Esakinan ta importante pa evita cualkier inconvenencia.

GERENCIA DI SERVICIO DI IMPUESTO
28 di september 2009