E seccion “Servicio pa cliente” lo ta habri non stop te cu 2:30 atardi

ORANJESTAD – Servicio di Impuesto ta participa cu diabierna, dia 2 di oktober, e seccion “Servicio pa cliente” tanto na oficina principal na Camacuri como na Oficina di gobierno na San Nicolas, lo ta habri non stop for di mainta 7:45 te cu 2:30 atardi.
Pues riba e dia aki e clientenan por busca informacion of haci peticion pa un documento solamente durante e orario stipula.
E seccion di caha si lo ta habri durante nos orario normal cu ta di 7:45 – 11:45 y 13:15 – 15:30.

Dialuna, dia 5 di oktober, Servicio di Impuesto lo continua cu su servicionan manera custumber.
Servicio di Impuesto ta pidi su clientenan pa tuma nota di e cambio menciona pa evita cualkier inconveniencia.

GERENCIA DI SERVICIO DI IMPUESTO
1 di oktober 2009