Tanto na oficina principal como na e oficinanan di gobierno den districto

ORANJESTAD – Servicio di Impuesto ta participa na su clientenan cu diabierna, dia 15 di januari, e seccion di caha lo ta habri non stop. E servicio extra aki ta en conexion cu diabierna ta ultimo dia pa paga loonbelasting, BBO etc. y cu den e dianan aki ta hopi druk caba debi na e pagonan di number di auto.

Diabierna e orario di caha na oficina principal na Camacuri ta for di mainta 7:45 te cu atardi 3:30 non-stop. E orario di caha na e oficinanan di gobierno na San Nicolas, Savaneta, Santa Cruz y Paradera ta mainta 8:30am te cu 2:45pm non-stop.

E seccion di servicio pa cliente y e seccion unda ta busca plachi di number si lo ta habri segun orario di custumber.
Pa e clientenan di DIMAS, Servicio di Impuesto ta recorda cu diabierna no ta acepta pago di permiso.

Pues diabierna por haci pago di cualkier tipo di impuesto durante oranan di merdia tambe.

GERENCIA DI SERVICIO DI IMPUESTO
15 di januari 2010